
Павлодарлық полицейлер құмар ойынмен жұртты тақырға отырғызып жүрген өзбекстандық аляқтарды тұтқындады. Картаның майын ішіп, жілігін шаққан әккілер жергілікті тұрғындардың соңғы тиынына дейін қағып алатын болған. Бұл туралы КТК телеарнасы хабарлады.
Арасында миллион теңгеге дейін ұтылғандар бар. Күдіктілер арнайы жасақтың көмегімен ұсталды. Екеуі – Павлодарда, төртеуі Екібастұзда құрықталған. Өзбекстан азаматтары қарпайым, қайталанба әдіспен әрекет еткен. Сондықтан да қолға түсіп отыр. Бұлар базардағы саудагерлерге алушы ретінде келіп, сатушыны карта ойнауға үгіттейді. Сөйтіп оған алдымен қомақты қаржыны ұтқызады. Ақша көбейгенде ортаға әккі ойыншы қосылып, дымын қалдырмай сыпырып кетіп отырған.