Елде ЭКО арқылы сәбилі болатындар неге көбейген? (Видео)

11 шiлде, 19:00

Алматы қаласында өтіп жатқан «New Me 360» халықаралық форумында денсаулық, ұзақ өмір сүру және заманауи медицина тақырыптары талқылануда. Форум аясында репродуктолог Амангелді Еркенұлы ЭКО-ға жүгінетін қазақстандықтардың неге көбейгенін түсіндірді.
Маманның айтуынша, бұрын елімізде жылына шамамен 10–15 мың жұп ЭКО бағдарламасына жүгінсе, бүгінде бұл көрсеткіш 40–50 мыңға дейін жеткен.
«Бұрын ерлі-зайыптылар бала көтермесе, 5–10 жыл күтіп барып қана дәрігердің көмегіне жүгінетін. Қазір бір-екі жыл ішінде жүктілік болмаса, уақыт оздырмай тексерілуге келеді», – дейді дәрігер.
Соңғы жылдары «Аңсаған сәби» бағдарламасы аясында жыл сайын шамамен 7 мың ЭКО квотасы бөлінеді. Белгіленген талаптарға сәйкес келетін ерлі-зайыптылар аталған бағдарлама арқылы емді тегін алу мүмкіндігіне ие.