jasqazaq.kz

«Жұмысымнан айырылып қалуым мүмкін»: қазақстандық азамат журналист Лұқпан Ахмедияровты жазалауды талап етті

31 шiлде, 14:35

«Жұмысымнан айырылып қалуым мүмкін»: қазақстандық азамат журналист Лұқпан Ахмедияровты жазалауды талап етті

Соғысқа қатысқандар тізімінен өзін тапқан қазақстандық Бас прокуратура мен ІІМ-нен журналист Лұқпан Ахмедияровты жауапқа тартуды сұрады

Қазақстандық азамат журналист Лұқпан Ахмедияровты жала жапқаны үшін жауапқа тартуды талап етті

Туыстарымен арадағы қарым-қатынастың бұзылуы және жұмысынан айырылып қалу қаупі – Руслан Мұхамедов журналист Лұқпан Ахмедияровтың жарияланымынан кейінгі жағдайын осылай сипаттайды. Оның айтуынша, жарияланған материалда оның есімі Ресей тарапынан Украинаға қарсы соғысқа қатысып жүргендің тізіміне енгізілген.

Журналист Лұқпан Ахмедияровтың жарияланымынан өзінің деректерін тапқан Мұхамедов Бас прокурор мен Ішкі істер министріне бейнеүндеу жасады.

Бейнеүндеуінде ол журналист өзінің Украина мен Ресей арасындағы әскери қақтығысқа қатысқаны туралы тексерілмеген ақпарат таратқанын айтады. Мұхамедов мұны жоққа шығарып, Ресейге соғысқа қатысу үшін емес, тек жұмыс істеу үшін барып жүргенін мәлімдеді.

«Мен Ресейде вахталық әдіспен жұмыс істеймін. Бұл жағдайға менің ешқандай қатысым жоқ», – дейді ол.

Мұхамедовтің айтуынша, ақпарат тарағаннан кейін оның беделіне нұқсан келген. Ол кейбір достарымен және туыстарымен қарым-қатынасы үзілгенін айтып, енді бұл жағдай жұмысына да кері әсер етуі мүмкін деп алаңдайды.

Мұхамедовтің ерекше наразылығын тудырған жайт – ақпараттың, оның пікірінше, тиісті деңгейде тексерілмей жариялануы. Бейнеүндеуінде ол Facebook желісінен оқыған жазбаға да тоқталып, сөз бостандығының шегі мен ақпарат таратқан адамның жауапкершілігі туралы пікір білдіреді.

«Сөз бостандығы тексерілмеген ақпаратты жариялауға құқық бермейді», – дейді Мұхамедов.

Оның басты талабы – өзінің деректері бұл тізімге қалай енгенін анықтап, журналист Лұқпан Ахмедияровтың әрекетіне құқықтық баға беру.

«Мен қылмыскер емеспін. Мен – адал атына нұқсан келген азаматпын. Осы журналисті заң бойынша қатаң жазалауды сұраймын», – деп Руслан Мұхамедов өз үндеуін аяқтады.

20 қараша, 13:54
Шыңғыс Оразалимов: Alem.Cloud ұлттық суперкомпьютері жасанды интеллект пен үлкен деректерді талдау жобаларына қызмет етуде
18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда