jasqazaq.kz

Жұмысшылар наразылығынан кейін фабриканы бұзу жұмыстары тоқтатылды

11 қыркүйек 2020, 16:37

Қарағанды маңындағы «KAZ Феррит» көмір байыту фабрикасын бұзу жұмыстары тоқтатылды. Осыған дейін фабриканың жүзден астам жұмысшысы конвейер орналасқан аумақты босату қажеттігі жайлы сот шешіміне қарсылық танытып, 500 адам істейтін кәсіпорынның жабылуына жол бермеуді сұраған еді. Бұл туралы  centralasian.org-ке сілтеме жасап zakon.kz хабарлайды.

– Прокуратура сот орындаушыларынан өндіріс құжаттарын сұратып, заңдылығын тексеретінін хабарлады. Әзірге іс тоқтатылды. Енді бізде қосымша уақыт бар, – деді Азаттыққа «KAZ Феррит» компаниясының заңгері Асхат Ниязов.

Қарағанды облысының прокуратурасы сот шешімін орындау тоқтатылғанын растады. Бұған дейін жергілікті сот «KAZ Феррит» пен «СВХ-Портал» компаниясы арасындағы жер дауы мәселесін қарап, «СВХ-Порталды» байыту фабрикасының өндіріс линиясы орналасқан аумақтың иесі ретінде таныған болатын.

7 қыркүйекте Қарағанды маңындағы «KAZ Феррит» фабрикасының жүзден астам жұмысшысы наразылық акциясын өткізген.

Сотта жеңген «СВХ-Портал» компаниясының өкілдері бұған дейін осы аумақтан өздері де пайда тапқысы келетінін айтып, «KAZ Ферриттің» жалға алу шартымен келіспей отырғанын жеткізген.

Ал оқиға орнына келген билік өкілдері өндіріс линиясы орналасқан аумақты мемлекет меншігіне қайтару мәселесін қарастыратынын айтқан. Қарағанды әкімдігінің жер қатынастары бөлімінің мамандары егер жер мемлекет меншігіне өтсе, оны пайдалану мәселесін мемлекеттік комиссия шешеді деген еді.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия