Жұмысшылар мінген автобус жол апатына ұшырады

18 желтоқсан 2021, 13:19

Темір қаласының маңындағы Покровка – Жаңажол тас жолында ауыр жол апаты орын алды. Бқл туралы Zakon.kz хабарлайды.

17 желтоқсанда сағат 18:45-те ПАЗ маркалы автокөлігінің 59 жастағы жүргізушісі мұнай компаниясының вахта бойынша жұмыс істейтін 12 қызметкерін алып, Жарқамыс кенті жағынан Ақтөбе қаласына қарай бағыт алып келе жатады.

Тас жолдың 13-ші шақырымында жүргізуші жол жиегінде тұрған Камаздың жартылай тіркемесін көрмей қалған көрінеді.

Жол-көлік оқиғасы салдарынан екі жолаушы оқиға орнында көз жұмып, үшеуі Қандыағаш қаласының орталық ауруханасына түрлі дене жарақаттарымен жеткізілді.

Жол апатына байланысты тергеу амалдары қолға алынды.