Жылаған жігіт жарылыс кезінде қандай күйде болғанын айтты

26 маусым 2019, 11:03

Түркістан облысының Арыс қаласындағы әскери бөлім аумағындағы жарылыс кезінде ата-анасына жақсы көретінін айтып, желіде видео жариялаған әскери қызметкер Исатай Әлібаев сол сәтте қандай күйде болғанын айтып берді, деп хабарлайды КТК арнасы.

27 жастағы әскери қызметкер таяуда әке атанған екен. Үйде оны ата-анасы, жұбайы мен 4 айлық қызы күтіп отыр.

«Бәрі санаулы секундтардың ішінде орын алды. Тық-тық етіп, артынша тынышталып қалады. Содан соң қайта басталады. Сынықтар, снарядтар. Бәрі қатты қорықты», — дейді лейтенант Исатай Әлібаев.

Исатай арада бірер минут өткеннен кейін өзін қолға алып, адамдардың қауіпті аумақтан шығуына көмектесуге кіріскенін айтады.