Жолда қалған жолаушылар құтқарылды

Қарағанды облысында жолда қалған 23 адам құтқарылды. Бұл туралы ҚР ІІМ Төтенше жағдайлар комитетінің ресми өкілі Нұрсұлтан Нұрахметов мәлім етті. Бұл туралы ҚазАқпарат хабарлады.

Оның айтуынша, бүгін таңертеңгі сағат 09-00-дер шамасында Қарағанды облысының Жаңаарқа ауданында «Қызылорда-Павлодар» автожолының 682-ші шақырымында, Ақтүбек ауылынан 40 шақырым жерде «Sanos» маркалы жолаушылар автобусы бұзылған. 23 жолаушыны, оның ішінде 3 баланы Төтенше жағдайлар комитетінің «Ақтүбек» тас жолындағы медициналық-құтқару бекетінің мамандары құтқарған.

«Ақтүбек» құтқару бекетіне жеткізілген жолаушылар медициналық көмекті қажетсінген жоқ. Автобус «Ералиев ауылы-Қарағанды» бағытында кетіп бара жатқан. Сағат 09-30-да барлық жолаушылар жолшыбай көліктермен діттеген жерлеріне аттанып кетті», — деді Нұрсұлтан Нұрахметов.