Жолаушылар автобусына белгісіз біреу оқ жаудырды

Оқыс оқиғаға қатысты бар адамдарды анықтау үшін шұғыл іздестірілу шаралары қолға алынды.
Павлодар полициясына қоңырау шалынып, «шамамен таңғы сағат 8.40 шамасында Малайсары батыр көшесінде белгісіз бір адам қала сыртына қатынайтын шағын автобусқа оқ жаудырды» деген мәлімет келіп түскен.

Бұл туралы Павлодар облысы полиция департаментіндегілер мәлім етті.   Полицияның мәліметінше, №153 бағыттағы шағын автобусқа қаскөй пневматикалық қарудан «бұзақылық ниетпен» оқ атқан. Зардап шеккендер жоқ.

Аталған факті бойынша ҚР Қылмыстық кодексінің 293-бабы бойынша сотқа дейінгі тергеу ісі қозғалды.   Оқыс оқиғаға қатысты бар адамдарды анықтау үшін шұғыл іздестірілу шаралары қолға алынды.

 Zakon.kz.