Жоқ пәтерді 39 рет жалға берген

Қарағандылық алаяқ жоқ пәтерді 39 рет жалға берген. Ол алдын ала төлем алған соң клиенттердің нөмірін бұғаттап тастап отырған, — деп хабарлайды «Астана» телеарнасы.

Мұндай жүйе арқылы әйел үш миллион теңгеден астам «табыс тапқан». Телеарнаның хабарына қарағанда, қазір іс сотқа жеткен.

Сондай-ақ оның жерлесері елорда тұрғындарын да осындай жүйе арқылы алдаған. Тек ол жиһаз «сатқан». Тауарды жіберудің алдында ол алдын ала төлемді жасатқан да, жоғалған. «Сатушы» 10 адамды алдағаны белгілі болды.

Елордалықтар ақшаны бөтен біреудің атына аударып отырған. Бірақ еш күмән болмаған. Осылайша, 27 жастағы күдікті ұсталды. Енді ол жеті жылға бас бостандығынан айырылуы мүмкін. Журналистердің деректеріне қарағанда, 27 жастағы қыз бұған дейін алаяқтық үшін сотталған.