Жириновский дебат кезінде ұятқа қалды (Видео)

РФ Либералды-демократиялық партиясының жетекшісі Владимир Жириновскийдің ТВЦ арнасындағы сайлау алдындағы теледебат кезінде дамбалы түсіп кетіп, ышқырын ұстап тұрып сөйлеуге мәжбүр болды, деп хабарлайды zakon.kz Gazeta.ru-ға сілтеме жасап.

Саясаткер түскен дамбалын дер кезінде ұстап үлегеріп, сөзін ары қарай жалғастыра берді. Осы уақытта Жириновский коммунистердің аты-жөнін жіпке тізіп жатыр еді. Оның айтуынша, Владимир Путин, Михаил Мишустин, бүкіл үкімет пен барлық губернаторлар коммунист көрінеді.

Желі қолданушылары бұл жайтты бірден іліп әкетті. Бірі саясаткердің реакциясын жоғары бағаласа, тағы бірі: «Ең бастысы — абыройды сақтау», — деп жазды. Ал тағы біреулері саясаткердің қартайып, шалбарының түймесін салуды ұмытып кеткенін айтыпты.

Бұл ретте ЛДП көшбасшысының баспасөз хатшысы Александр Дюпин URA.RU-ға берген сұқбатында бұл фактіні жоққа шығарды.

Бөлек белдік сырғып кетті, оған екі дыбыс зорайтқыш бекітілген. Дыбыс инженері техниканы дұрыс тақпаған. Владимир Вольфович оны жай ғана жөндеді. Шалбары түскен жоқ, — деді ол.