
«Жетісу» телеарнасының бас директоры болып марқұм Бейсен Құранбектің орынбасары Серік Әбікенұлы тағайындалды.
Бұл туралы Алматы облысы әкімі баспасөз қызметінің жетекшісі Ғалымұрат Жүкел өз Facebook парақшасында жариялады.
Естеріңізге сала кететін болсақ 2014 жылдан бастап Алматы облыстық «Жетісу» телеарнасының бас директоры қызметін атқарған Бейсен Құранбек 18-ші мамыр күні дүниеден озған болатын. Араға 17 күн салып орнына өзінің орынбасары Серік Әбікенұлы Сарыбай тағайындалды. «Ал, міне жақсы жаңалығым! Серік Әбікенұлы Сарыбай «Жетісу» телеарнасының директоры болып тағайындалды. Бейсекеңмен бірге бастаған істі жалғастырып, арнаның даму жолы Секеңнің басшылығымен жалғаспақ»,- делінген Ғалымұрат Жүкелдің қалдырған жазбасында.