Жетісайда медқызметкерден 2 млн теңге бопсалаған адам ұсталды

Түркістан облысының Жетісай ауданында медицина қызметкерінен 2 миллион теңге бопсалаған күдікті ұсталды, деп хабарлайды ҚазАқпарат.

Жедел-іздестіру іс-шараларының нәтижесінде полицейлер күдіктіні 1,5 миллион теңгеге жуық ақшаны алған кезде құрықтаған. Күдіктіден заттай дәлел ретінде ақша тәркіленді.

«Бұл оқиға ҚР ҚК-нің 194-бабы 1-бөлігі «бопсалау» бабы бойынша тіркеді. Күдікті көрсетілген медициналық қызметке көңілі толмағанын алға тартып, бопсалап, қорқытқан. Қазіргі таңда бопсалау жайты бойынша сотқа дейінгі тергеу амалдары жүргізілуде. Күдікті қамауда. Оқиғаның барлық мән жайы анықталуда»-делінген Түркістан облысы полиция департаментінің баспасөз қызметі таратқан ақпаратта.