jasqazaq.kz

Жетісайда малшы өзіне сеніп тапсырылған 155 қойды сатып жіберді

13 мамыр 2021, 11:40

Түркістан облысында қойшы бөтеннің 6 миллион тұратын малын ысырап етіп, жоқ қылған. Келес полициясына Жетісай ауданы тұрғындарының бірі арызданып келді.

Ол өз арызында 2018 жылдан бері Келес ауданы Бірлік ауылдық округіне қарасты қырлы жайылым жерде орналасқан мал қорасындағы қойларын Жетісай ауданының тұрғынына сеніп тапсырғанын айтады.

2020 жылдың қараша айы мен 2021 жылдың қаңтар айы аралығында мал басын түгендеп, арнайы екпесін салдыруға келгенде қойшының әрқайсысы 40 000 теңге болатын 155 бас саулық қойын жасырын жымқырып, ысырап етіп жібергенін көреді.

Жәбірленушіге келген материалдық шығын көлемі 6 миллион теңгеден асады.

Сондықтан, арызданушы аудандық тәртіп сақшыларынан заңды шара қолданып, келтірілген шығынды өндіруге ықпал жасауды сұраған.

Аталған жайт ҚР ҚК-нің 189-бабы «Сеніп тапсырылған бөтен мүлікті иемдену немесе ысырап ету» бойынша тіркелді.

Полиция қызметкерлері жедел іс-шаралар жүргізу барысында, қойшы болып жұмыс істеген күдіктіні ұстады.

Полиция қызметкерлерінің анықтауынша, күдікті қойшы мал бағып жүрген жылдардың соңғы 3 ай ішінде оған сеніп тапсырылған қойлардың бір бөлігін заңсыз ысырап етіп, күніне 3-4 бас қойдан сатып отырған.

Ақшасын өз қажетіне жұмсаған. Қазіргі уақытта күдікті өз кінәсін толығымен мойындап отыр.

Бүгінде бөтен мүлікті иемдену және ысырап ету дерегі бойынша сотқа дейінгі тергеу амалдары жүргізілуде.

Күдікті ешқайда кетпеу бойынша міндеттемеде.

Өз кезегінде Түркістан облысының полицейлері мал иелеріне қырағы болу және өз мүлкінің сақталуын қадағалау қажеттігін ескертеді.

Үй малын жайылымдарда қараусыз қалдыруға болмайды, сондай-ақ оны танымайтын адамдарға бағуға сенім білдірмеңіз.

Мал ұстайтын қора-жайды мықты құлыптармен нығайту қажет, сондай-ақ малды сырғалап, ен-таңбаларын орнату керек.

Егер сіз мал ұрлығының куәгері немесе мал ұрлаудың құрбаны болсаңыз, тез арада «102» телефонына хабарласыңыз.

ҚазАқпарат

Бүгін, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия