jasqazaq.kz

Жеңілдетілген автонесие қашан қайта жалғасады?

24 желтоқсан 2022, 12:28


Жеңілдетілген автонесиенің револьверлік тетігі 2023 жылдың қаңтарында іске қосылады. Бұл туралы Қазақстан Даму банкінің (ҚДБ) баспасөз қызметіне сілтеме жасап Tengrinews.kz хабарлады.

Бұған дейін жеңілдетілген автонесие биыл қарашада қайта басталады деп жоспарланған болатын.

Кеше 2023 жылдан бастап барлық қолданыстағы бағдарлама шарттары біркелкі болатыны белгілі болды. Бұл туралы ҚДБ және жеңілдетілген автонесие бағдарламаларының операторы саналатын Кәсіпкерлікті дамыту қоры (КДҚ) хабарлады.

Сондай-ақ, орталықтандырылған бақылауды қамтамасыз ету мақсатында алдағы уақытта Қазақстанның Даму банкі ұсынған бағдарлама бойынша бір ғана қаражат операторын қалдыру жоспарланған.

«Қазіргі уақытта бағдарламаларға қатысушы екінші деңгейлі банктер қолданыстағы несиелерді өтеу есебінен төлемдерді жинақтайды. Револьверлік механизм негізінде жеңілдетілген несие беру 2023 жылғы қаңтардың екінші жартысында басталады деп күтіледі», — делінген хабарламада.

ҚДБ мәліметінше, іске қосу күніне екі бағдарлама бойынша жинақталған қаражат көлемі шамамен 13 миллиард теңге болады, бұл кемінде 1300 жаңа автонесие беруге мүмкіндік береді. Алдағы уақытта револьверлік әдіспен жинақталған қаражатты бөлуді ай сайын жүргізу жоспарланған.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр