Желіде тараған жаппай жол апатының мән-жайы белгілі болды (видео)

02 ақпан 2019, 1:24

2019 жылдың 1-ші ақпаны күні сағат 17:10 шамасында «Батыс Еуропа — Батыс Қытай» тас жолының 552-шақырымында қалың тұман салдарынан бір бағытта бет алған жеті көліктің қатысуымен жол-көлік оқиғасы орын алды. Салдарынан, Жуалы аудандық орталық ауруханасына бір адам, Тараз қалалық №1 ауруханаға екі адам жатқызылды, қаза болғандар жоқ.
Аталған дерек бойынша жол қозғалысы ережесін бұзған жүргізушілерге қатысты ҚР Әкімшілік құқық бұзушылық туралы кодекстің 610-бабы 1, 2-бөліктері бойынша хаттама толтырылды. Барлық жеті көлік құралы айыптұраққа қойылды.
Қазіргі уақытта сараптама тағайындалып, тергеп-тексеру жұмыстары жүргізілуде.

Бұл туралы Жамбыл облысы Полиция департаментi бастығының instagram-дағы ресми парақшасында хабарланды.