Желіде қызу талқыланған жап-жас қыздың қайда келін боп түскені белгілі болды (Видео)

Кешеден бері әлеуметтік желілерде қызу талқыланып жатқан жас келіге қатысты полицейлер пікір білдірді. Желіде тарап кеткен видео Қызылорда қаласында түсірілген, деп хабарлайды Экспресс К.

Қалалық Полиция басқармасының мәліметінше, қызылордалық отбасы 27 қараша күні келін түсірген. Ақ босаға аттаған жас келін көпшілік болжағандай 7 сынып оқушысы емес, 16 жаста екен.

«Бейнежазба бойынша Қызылорда қаласы Полиция басқармасының Ақсай полиция бөлімі жан-жақты тексеру жұмыстарын жүргізді. Жас жұбайлар ата-аналарының келісімімен отау құрып жатқан 16 жасқа толған азаматтар. Бұл іс бойынша әкімшілік немесе қылмыстық құқық бұзушылықтың құрамы жоқ болуына байланысты номенклатуралық іске жолданды»,-деді полиция басқармасының баспасөз қызметі.