Жасырын жұмыс істеген казино әшкере болды (видео)

13 мамыр 2020, 11:06

Алматыда карантин кезінде «Нұрлы Тау» тұрғын үй кешенінде жұмыс істеген казино әшкере болды. Бұл туралы Қаржылық бақылау комитетінің өкілдері айтты.

Казиноның 4 мамырда операция барысында анықталғаны айтылады.

«Нұрлы Тау» тұрғын үй кешендерінің бірінде жедел-іздестіру шараларын жүргізу барысында заң бұзған астыртын казино әшкере болды. Тінту кезінде пәтерде клиенттер мен казиноның қызметкерлері болған. Барлық зат тәркіленді, ақша да тәркіленді», — деді Қаржылық бақылау комитетіндегілер.

Ведомство өкілдері ҚР Қылмыстық кодексінің 307-бабы бойынша («Заңсыз ойын бизнесiн ұйымдастыру») сотқа дейінгі өндіріс басталғанын айтты.

Tengrinews.kz