Жаңбырдың арты қарға ұласады

Қазгидромет синоптиктері 3-5 қазандағы ауа райын айтты.

«Жексенбіде — солтүстік-батыс, солтүстік, ал келесі аптаның басталуымен — Қазақстанның орталығы мен шығысы циклон жырасының ықпалында болады. Бұл циклонның орталығы Таймыр түбегінің үстінде орналасқан және арты қарға ұласатын жаңбыр әкеледі.

Еліміздің қалған аумағы Баренц теңізі аудандарынан келетін кең антициклонның ықпалында болады. Антициклон негізінен жауын-шашынсыз ауа райын қалыптастырады. Республика бойынша ауа температурасының біртіндеп төмендеуі, кей жерлерде тұман, желдің күшеюі, солтүстікте, орталықта және шығыста — көктайғақ, төмен бұрқасын болады», — делінген хабарламада.

Tengrinews.kz