Жаңа жыл түнінде қатты аяз күтілуде

Жаңа жыл мерекесі түнінде Орталық, Шығыс және Солтүстік Қазақстанда 40 градус аяз тұрмақ. Бұл туралы КТК телеарнасы хабарлады.

Оған дейін бұл өңірлерде күннің көзі көрінгенімен, қалың қар жауып, боран болады делініп отыр. Ал дәл 31-ші желтоқсанда кешке қарай аяз күшіне ене бастайды. Түнде минус 25-30 гарусқа дейін төмендеуі ықтимал. Солтүстікте 38-ге дейін барады. Ал Шығыс Қазақстанда тіпті қаңтардың 2-сі нейін минус 40 градусқа дейін суытса, елдің оңтүстік өңірлерінде қар түсіп, көктайғақ болады. Мерекелік күндерде ауа температурасы 3 тен 20 градусқа дейін төмендеуі мүмкін. Батыс жақта ауа райының шектен шығатындай құбылысы байқалмайды дейді метеорологтар.