Жаңа туған сәбидің мәйіті табылды

Маңғыстаудың Мұнайлы ауданы Атамекен ауылында жаңа туған нәрестенің мәйіті табылды. Полиция қызметкерлері баланың анасын іздеуде.

Бұл туралы Маңғыстау облысы полиция департаментінің баспасөз қызметі хабарлады. 3 мамыр күні сағат 18:30-да «102» қызметіне Атамекен ауылында жаңа туған баланың мәйіті табылғаны туралы телефон арқылы хабарлама түскен.

«Оқиға орнына полиция департаментінің жедел-тергеу тобы барды. Қазіргі уақытта баланың анасын анықтау бойынша жедел іздестіру шаралары жүргізілуде. Сот-медициналық сараптама тағайындалды. Сотқа дейінгі тергеу амалдары жүргізілуде», — деп хабарлады департаменттің баспасөз қызметі.

24.kz