Жамбыл облысында шетел азаматынан қап-қап пышақ тәркіленді

Жамбыл облысында шетел азаматынан қап-қап пышақ тәркіленді. 52 жастағы ресейлік алты қапқа мұқият салынған пышақтарда Қырғызстаннан алып, Қазақстан арқылы отанына алып өтпек болған. Бұл туралы КТК телеарнасы хабарлады.

Алайда шекарашылар мен полицейлер оның бұл ойының жүзеге асуына мұрша бермеді. Жүк көлігіне тиелген тауарларды түсіріп алып қалды. Пышақтардың сабы ағаштан қашалып, әсем безендірілген. Қайыстан қапталған қынабы да жарасымды. Соған қарағанда, бұл кәдесыйлар болуы ықтимал. Қазір бұл тауардың иесі анықталып жатыр. Ал көлік жүргізушісі тек жеткізіп беруішімін деп ақталған. Осы дерекке қатысты сот-криминалистикалық сараптама тағайындалып, тергеу жүргізілуде.