Жамбыл облысында 357 шетелдік жауапкершілікке тартылды (Видео)

Жамбыл облысында 357 шетелдік жауапкершілікке тартылды, – деп хабарлайды Polisia.kz.

10 наурыздан бастап Жамбыл облысында “Мигрант” жедел алдын алу іс-шарасы өткізілуде. Бес күн ішінде 357 шетелдік анықталды. Қазақстан Республикасының Халықтың көші-қоны саласындағы заңнамасын бұзғаны, заңда белгіленген мерзімде кетуден жалтарғаны үшін 249 адам әкімшілік жауапкершілікке тартылды.

ҚР-да еңбек қызметін жұмысқа орналастыруға рұқсатсыз жүзеге асырғаны үшін шетелдіктерге 52 әкімшілік хаттама толтырылып, сот шешімімен олар Қазақстан Республикасының аумағынан шығарылды. Қоғамдық орындарда тиісу дерегімен (қайыршылық, мазаны алу) 4 мигрант, шетелдік жұмыс күшін заңсыз пайдаланғаны үшін 29 жұмыс беруші, ал шетелдіктерді қабылдаушы тұлғалардың тіркеу ережелерін бұзғаны үшін Қазақстан Республикасының 162 азаматы жауапкершілікке тартылды. Сондай-ақ, полиция қызметкерлері түрлі қылмыстар жасағаны үшін іздеуде жүрген 8 қылмыскерді ұстады.