Жалғызбасты ана полицейдің қолын тістеп, бетін тырнап алған

Ақтөбеде ішімдікке сылқия тойып алған 26 жастағы қыз полицейдің қолын тістеп, бетін тырнап тастады.

Бұл оқиға қаладағы «Капитал Бриг» ойын-сауық кешенінде болған.

Демалуға келушілер мас қызға шағымданып, полиция қызметкерін шақырған. Сержант полицейі ішімдік ішіп алған 26 жастағы әйелді ұстай бергенде қарсылық білдіріп, оның қолын тістеп алған. Ол ғана емес бетін тырнаған.    Бойжеткенге «Билік өкіліне қарсы күш қолдану» бойынша айып тағылды. Өзі де кінәсін мойындап, ендігіде тістемеуге уәде берген.

Полиция қызметкері болса, әйелге ешқандай шағымы жоқ екенін айтты. Айыпталушының тұрақты жұмысы жоқ және жалғызбасты ана екені анықталды. Сот оны бір жылға бас бостандығынан айырды.

Stan.kz