jasqazaq.kz

“Жалғыз қалған әкемді ойладым”: Еркін Нұржанов неге Шымкентке көшкенін айтты

22 қыркүйек 2022, 14:54

«Жігіттер» квартетінен бөлініп шыққан соң, жеке әнші ретінде тыңдарманына біраз әндерін ұсынған Еркін Нұржанов соңғы кездері ел көзінен тасада жүр.

Әнші соңғы жеті жылдан бері Шымкентте тұрып келген. Еркін өнер ордасы Алматыны тастап кетуіне не себеп болғанын түсіндірді, деп хабарлайды Caravan.kz порталы «Қазақстан» Ұлттық арнасының «1001 түн» бағдарламасына сілтеме жасап.

«Жарты жылдың көлемі болды, ақырындап Алматыға көшіп жатырмыз», – деп қуанышымен бөлісті Еркін Нұржанов.
«Алматыда қысым жоғары, сол анамның денсаулығына әсер беріп, анам содан көз жұмды. Ол әкемнің де денсаулығына әсер ете бастады. Жалғыз әкем қалған соң, сол кісінің жайын ойлап, қоныс аударуға тура келді», – деп түсіндірді Еркін. Әнші осы уақыт ішінде көбінесе отбасына көңіл бөлгенін атап өтті. Нұржанов биыл төртінші баланың әкесі атанғанын хабарлады.
«Жақында ұлды болдым. Осы уақыт ішінде жанұяның жай-жапсарын жайғастырып жүрдім», – дейді Нұржанов.
Араға бірнеше жыл салып, Нұржанов қайта Алматыға қоныс аударған. Бүгінде шығармашылығына білек сыбана кірісіп, тіпті, жеке ән кешін өткізуге дайындалу үстінде.
«Желтоқсанның 12-сі туған күнім, соған қарай жеке концертімді жоспарлап отырмын. Шымкенттен бастайтын шығармын. Алматы мен Астанада міндетті түрде үлкен концерт беремін», – дейді Еркін.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр