Жалған шот-фактура жасаған қылмыстық топ ұсталды (видео)

04 қыркүйек 2020, 21:36

Мемлекеттік қазынаны жарты миллиард теңгеге алдап соққан топ Павлодардан ұсталды. Олар елге жалған шот-фактура дайындап жүрген. Көлеңкелі кәсіпкерлер 2 трлн теңгенің заңсыз қызметін көрсетіп бюджетке 550 млн теңгенің зиянын келтіріпті.

Күдіктілер, облыстық экономикалық тергеу департаменті жүргізген жедел-алдын алу шарасы кезінде қолға түсіп отыр. Егер қылмыстары дәлелденіп жатса олардың дүние-мүлкі тәркіленіп 7 жылға дейін бас бостандығынан айырылуы мүмкін.

Максим ЗЕНГЕР, ПАВЛОДАР ОБЛЫСЫ БОЙЫНША ЭКОНОМИКАЛЫҚ ТЕРГЕУ ДЕПАРТАМЕНТІНІҢ ЖЕДЕЛ УӘКІЛІ:

Қазіргі уақытта бұл іс бойынша сотқа дейінгі тергеу жалғасып жатыр. Айыпталушылардың басқа қылмыстық құқық бұзушылықтарға, сонымен қатар мемлекеттік сатып алуды орындау шеңберінде бюджет қаражатын ұрлауға, қылмыстық жолмен алынған кірістерді мүлікті заңдастыруға, сондай-ақ капиталды шетелге шығару фактілері бойынша тексеріліп жатыр.