Жалған науқас қағазын жасаған азамат 100 сағаттық қоғамдық жұмысқа жегілді

Астананың № 2 Есіл соты елордалық тұрғынның жалған науқас қағазын жасағанын анықтады. Ол жұмысқа шыққысы келмегендіктен жалған науқас қағазын сатып алған, деп хабарлайды Today.kz Patrul.kz сайтына сілтеме жасап.

Іс материалы бойынша, 2017 жылдың тамызында Ж. азамат жұмысқа барғысы келмей уақытша жұмысқа қабілетсіздігін дәлелдейтін жалған қағазды қалалық ауруханалардың бірінен сатып алған.

«Науқас қағазы 6000 теңге болған. Жалған құжатты ер адам жұмыс берушіге табыстаған. № 2 Есіл аудандық соты Ж. азаматты кінәлі деп танып, ҚР ҚК 385 бап, 3 тармағы бойынша 100 сағаттық қоғамдық жұмысқа жегу жазасын шығарды», — деді сот.