Жақын арада полицейлердің жалақысы көтеріледі

Қазақстан ішкі істер министрлігі құқық қорғау органдары қызметкерлерінің жалақылары қашан өсетінін айтты.

ІІМ ресми өкілі Алмас Сәдубаевтың айтуынша, министрлік қазіргі таңда жалақы мәселесіне қатысты қаржы министрлігіне өтініш түсірген. Үкімет осыған сәйкес қаулыны қабылдағаннан кейін барып полицейлерге жоғарылатылған жалақы төлене бастайды.

Шенеуніктің сөзінше, бұл жуық арада шешілмек. Бұған дейін президенттің өзі тәртіп сақшыларының айлығын өсіру туралы тапсырма берген болатын.

Бұл туралы Tengrinews.kz сілтеме жасап stan.kz хабарлады.