Ұзынағашта сарбаз өз басына оқ атқан

Ұзынағашта (Алматы облысы) Ұлттық ұлан әскери қызметшісі әскери бөлімде басына оқ атты. Бұл туралы Tengrinews.kz Ұлттық ұланның «Оңтүстік» өңірлік қолбасшылығының баспасөз қызметіне сілтеме жасап хабарлады.

«2018 жылы маусымда Астанада қалалық қорғаныс істері жөніндегі департаменті шақыртқан қатардағы жауынгер Қожан Ұласбек 2019 жылы 23 қаңтарда шамамен сағат 01:35-те өзіне берілген қарудан басына оқ атқан. Алған жарақатынан ол қайтыс болды», — делінген хабарламада. Алматы әскери тергеу басқармасы осы дерекке қатысты сотқа дейінгі тергеу шараларын бірыңғай реестрге тіркеді. Қызметтік тексеру тағайындалды. Оқиғаның мән-жайы анықталып жатыр. Ұлттық ұлан «Оңтүстік» өңірлік қолбасшылығы марқұмның туған-туыстарына көңіл айтады», — делінген хабарламада.