Үш облыста ескерту жарияланды

Солтүстік Қазақстан, Түркістан және Қызылорда облыстарында ауа райының қолайсыздығына байланысты ескерту жарияланды, — деп хабарлайды Tengrinews.kz.

Синоптиктердің мәліметі бойынша, 16 наурызда Қызылорда облысының кей жерлерінде көктайғақ, дауыл болады, найзағай ойнайды, кей жерлерде шығыс, оңтүстік-шығыстан секундына 15-20 метр жел тұрады. Дауыл ықтималдығы — 95-100 пайыз.

17 наурызда Солтүстік Қазақстан облысының кей жерлерінде солтүстік-батыстан, батыстан жылдамдығы секундына 15-20 метр жел соғады. Дауыл ықтималдығы — 90-95 пайыз. Осы күні Түркістан облысының кей жерлерінде оңтүстік-шығыстан, шығыстан секундына 15-20 метр жылдамдықпен жел соғады.

Дауыл ықтималдығы — 90-95 пайыз.