«Ұлы дала — көшпенділер әлемі» фестивалі өтуде (фото)

     «Ұлы дала — көшпенділер әлемі» халықаралық этнофестивалін бүгін  15 мыңнан аса адам көруге келді. Биыл төртінші рет ұйымдастырылып отырған айтулы шара Алматының «Боралдай сақ қорғаны» археологиялық саябағында өтті. Этнофестивальге келген — Мажарстан, Моңғолия, Украина, Өзбекстан, Қырғызстан, Башқұртстан, Дағыстан, Саха, Тыва, Алтай Республикасы халқының өкілдері өз өнерлерін ортаға салып, көшпенді халықтың мәдениеті мен салт- дәстүрін таныстырды.

«Ұлы дала — көшпенділер әлемі» этнофестивалі әсіресе жастарға еліміздің тарихына терең бойлауға, Алматы қаласының туристік аймақ ретінде дамуына үлес қосу маұқсатында өткізіліп отыр. Екі күн ішінде көрермендер асау атты үйрету әдісімен танысып, қолөнер шеберлерінің бұйымдарымен танысып, салт-дәстүрге қанығып, ұлттық ойындардың куәсі болады.

Одан бөлек фестиваль қонақтары этно-фольклорлық «Сазген сазы» ансамблі, «Ұлытау», «Алашұлы», «Самрад» топтарының өнерін тамашалады.

Мақпал Ноғайбаева

Фото автордан