Ұлттық бюро: Қуандық Бишімбаевтың ісі бойынша 23 күдікті тергеліп жатыр

Бүгін Сыбайлас жемқорлыққа қарсы іс-қимыл Ұлттық бюросының брифингі өтті. Жиында Ұлттық бюро Тергеу департаменті басшысының орынбасары Олеся Кексель сыбайлас жемқорлық қылмыстарының тергеу барысы және нәтижелері туралы баяндады, деп хабарлайды Baq.kz тілшісі.

Бүгін Ұлттық бюро 2017 жылғы 9 айдың жұмысын қорытындылады.

«Біз Қуандық Бишімбаевқа (Бұрынғы Ұлттық экономика министрі — агенттік) қатысты қылмыстық істі биылғы жылдың 6 сəуірінде аяқтадық. Осы уақыт бойы қылмыстық іс таныстырылу кезеңінде болған. Қылмыстық іс көлемі 250-ден астам томнан тұрады. Бұл іс бойынша 23 күдікті тергеліп жатыр. Олардың əрқайсысында кем дегенде екі қорғаушыдан бар», — деді Кексель.

Олеся Кексельдің айтуынша, Қуандық Бишімбаевтың екі адвокаты бар. Сондай-ақ, оның жұбайы мен анасы қорғаушы ретінде бекітілген.

Еске салсақ, бұған дейін Бишімбаев жымқырған қаржысына өзіне 500 шаршы метрлік зәулім үй салғанын хабарлаған болатынбыз.