Үлкен Алматы айналма жолында ережені елемеген кортеж (Видео)
Үлкен Алматы айналма жолында жол ережесін өрескел бұзған жүргізушілерді полиция қызметкерлері анықтап, әкімшілік жауапкершілікке тартты. Көлік құралдары арнайы тұраққа қойылды. Бұл туралы Алматы облысы полиция депортаментіне сілтеме жасап jasqazaq.kz хабарлайды.
– 2026 жылғы 21 қыркүйекте «egov.press» ақпараттық арнасында жеті автокөліктің жол қозғалысы ережесін өрескел бұзып келе жатқан бейнежазбасы жарияланды. Жедел әрекет ету тәртібінде Қарасай ауданы ПБ қызметкерлері іздестіру іс-шараларын жүргізді. Жүргізушілерге қатысты ӘҚБтК-нің 17 бабы бойынша әкімшілік хаттамалар толтырылды, – деді Алматы облысы ПД бастығы Мейрам Әбікеев.
Анықталғандай, 17 қыркүйек күні сағат 15:30 шамасында жеті автокөлік жүргізушісі Алматы қаласының Қалқаман шағынауданындағы үйден шығып, Алматы — Бішкек автожолымен қозғалған. Кейін БАКАД автожолына шығып, бірқатар жол қозғалысы ережесін бұзған.
Атап айтқанда, маневр жасау, көлік құралдарының жүріс бөлігінде орналасуы, қиылыстардан өту, жолаушыларды тасымалдау және қауіпсіздік белдігін пайдалану ережелері бұзылған, сондай-ақ апаттық жағдай жасалған.
Барлық анықталған құқық бұзушылықтар бойынша заңнамада көзделген шаралар қабылданды.
WhatsApp: +7 705 717 9113
