jasqazaq.kz

ҰҚК полковнигімін деп таныстырып, полицейлерді алдамақ болды (видео)

19 мамыр 2020, 10:11

Қарағандының 47 жастағы тұрғыны өзін Ұлттық қауіпсіздік комитеті ішкі тергеу департаменті бастығының орынбасары, полковникпін деп таныстырып, тәртіп сақшыларын алдаған. Оны әшкерелеуге полицейлер мен ҰҚК қызметкерлерінің бірлескен жұмысы септігін тигізді.

Бұл оқиға 23 сәуірде төтенше жағдай режимі кезінде болған. Онда ер адам көлігімен көше кезіп, оны жол ережесін бұзғаны үшін полицейлер тоқтатқан. Ол полицейлерді ҰҚК полковнигімін, ішкі тергеу департаменті бастығының орынбасарымын деп алдайды. Бірақ оны растайтын ешқандай құжат көрсетпеген.

Оның айтқан бүкіл әңгімесі видеоға түсіп қалған. Аталған азаматтың әрекеті күдік туғызып, мән-жайды анықтау үшін полицейлер ҰҚК қызметкерлерін шақырады. Ұсталған күдікті Қарағанды қалалық полиция басқармасының Оңтүстік-Шығыс бөлімшесіне жеткізілді.

Тергеу барысында ол өзінің өтірік айтқанын мойындап, өкінетінін айтты. Ер адам Әкімшілік құқық бұзу кодексінің 476-бабы бойынша айыпты деп танылды. Мамандандырылған әкімшілік соттың шешімімен ол 10 тәулікке қамауға алынды.

«Полковнигіміз» бұған дейін де алаяқтығы үшін сотталған. Ол өзінің лауазымы жоғары адам екенін айтып, облыс тұрғынының қылмыстық жауапкершіліктен жалтаруына көмектесуге уәде берген» деп мәлім етті Қарағандық облыстық ПД баспасөз қызметі.

https://youtu.be/FgZQI6zwNSs

Polisia.kz

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия