ҰБТ нәтижелерін қайдан білуге болады?

Бүгін 20 маусымда Қазақстанда ұлттық бірыңғай тестілеу басталды.

Осыған орай білім және ғылым министрлігі ҰБТ нәтижелерін қайдан көруге болатынын мәлімдеді. ҰБТ-ға қатысуға өтініш білдіргендердің жалпы саны – 117 242, оның ішінде осы жылы мектеп бітірушілер саны 96 380 құрады. Өткен жылғы мектеп бітірушілер саны — 20 862. ҚР Білім және ғылым министрлігінің хабарлауынша, ҰБТ-2019 нәтижелерін @edu.gov.kz_bot Telegram-боты көмегімен, edu.mail.kz сайтынан, Ұлттық тестілеу орталығының ресми сайтынан – www.testcenter.kz білуге болады. Ол үшін әрбір тестіленушіге берілетін ТЖК (тестіленушінің жеке кодын) енгізу қажет. Сонымен қатар, биыл министрлік ҰБТ тапсыру кезіндегі кез-келген бұзушылықтарды, оның ішінде жақсы нәтижелер алу үшін үшінші тұлғалардың қызмет көрсетуін болдырмау бойынша нақты қадамдар қабылдауда.