jasqazaq.kz

Тұрмыстық зорлық-зомбылыққа айыптыларды қандай жаза күтіп тұр?

12 қантар 2020, 18:00

«Хабар» телеарнасындағы «Жеті күн» бағдарламасына берген сұхбатында Бас прокурордың орынбасары Марат Ахметжанов отбасылық-тұрмыстық қарым-қатынастар саласындағы құқық бұзушылықтар туралы заңнамадағы соңғы өзгерістерге түсінік берді.Бұл туралы ҚазАқпарат хабарлады.

«Бірінші ескерту жасалады деп айттыңыз. Ол ескертуге көнбей, үй ішінің тағы да шырқын бұзатын болса, бұл адам қамауға алынады. Кейін қамаудан шығып, тағы да үй ішінің берекесін алатындарға шара қолдану көзделген бе?», — деп сұрады телеарна тілшісі Бас прокурордың орынбасарынан.

Өз кезегінде Марат Ахметжанов мұндай жағдайда тиісті жаза ескерілгенін атап өтті.

«Ескерту деген бәріне бірден қолданылмайды. Сот істің мән-жайын зерделеп, адамның әрекеттеріне назар аударады. Осы орайда аталған адам жасаған құқық бұзушылығына өкініп жатыр ма? Жәбірленуші оны кешірді ме? Толық мойындап, келтірген залалын өтеп жатыр ма? Яғни бұл жағдайлардың барлығына баға беріліп, сосын ғана ескерту жасалады. Ал егер бұл құқық бұзушылық қайталанып жатса, ол адам 20 тәулікке дейін қамауға алынады. Екі және одан көп мәрте қайталанса, онда бұл іс қылмыстық қудалауға жатады», — деп түсіндірді ҚР Бас прокурорының орынбасары.

Бұл тұрғыда жүйелі түрде жәбірлеу мәселесі ескеріліп, 7 жылға дейін бас бостандығынан айыру көзделіп отыр.

«Сотта қаралғаннан кейін, сот шешімі қабылданған жағдайда, осы оқиғалар тізімге енгізіледі. Бұл фактілер жабулы қазан күйінде қалмайды, яғни осының барлығы мінездеме ретінде қаралады», — деді ол.

18 қараша, 13:02
Азат Сұлтанов: Өңделген агроөнеркәсіптік кешен өнімдерінің экспорты 3,6 млрд долларға жетті
17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия