Түркиядағы зілзаладан 19 адам көз жұмды

Түркияның шығысында болған зілзала салдарынан көз жұмғандар саны 19 адамға жетті. Бұл туралы Анадолыға сілтеме жасап ҚазАқпарат хабарлады. Агенттіктің хабарлауынша, елдің шығысында болған табиғат апатынан 19 адам көз жұмып, 900-ден астам адам жарақат алған. Еске салсақ, бұған дейін Түркияның шығысында 6,8 балдық жер сілкінісі болып, 15 адам қаза болып, 553 тұрғын емханаға жеткізілгені туралы хабарлаған болатынбыз. Түркияның қоршаған ортаны қорғау және қала құрылысы министрінің айтуынша, Элязыг провинциясының Сивридж уезде 5 және Малатья провинциясындағы Доганйол ауданында 25 ғимарат құлаған.