Түркияда қирандылар астынан қыз бала құтқарылды

Түркияның Ыстамбұл қаласында опырылып қалған тұрғын үй қирандыларының астынан бала табылды. Құтқарушылар Хавву Теккёз есімді 5 жасар қызды аман алып шыққан. Әзірге оның жағдайы белгісіз.

Еске салсақ, Ыстамбұл қаласында 8 қабатты тұрғын үй құлап, салдарынан 3 адам қаза тапқан еді. Жергілікті әкімшіліктің соңғы ақпаратына сәйкес, ғимараттағы 14 үйде 43 адам өмір сүрген. Бүгінде 12 кісі құтқарылды. Оқиғаға қатысты қылмыстық іс қозғалып, көршілес 7 үй тұрғындары қауіпсіз аймаққа көшірілді. Алдын ала ақпар бойынша, апат соңғы қабаттардың заңсыз салынуынан орын алуы мүмкін.

24.kz