jasqazaq.kz

Түркістан облысының әкімдігінде спортқа бөлінген 70 миллион теңге жымқырылған

04 желтоқсан 2021, 12:12

Түркістан облысында Дене шынықтыру және спорт басқармасының қызметкерлері спорттық іс-шараларды өткізуге бөлінген ақшадан 70 миллион теңге жымқырған. Облыстық мамандандырылған сотта қылмыстық істер қаралды, — деп хабарлайды  Otyrar.kz.

Қырықбаев П., Пернебаева М., Оспанова Б. және Әшірбекова Г. қылмыстық топ құрып, оған басшылық жасады, қызмет бабын пайдалана отырып аса ірі мөлшерде ақша жымқырды деп айыпталды (ҚК-нің 262-бабы 3-бөлігі, 189-бабы 4-бөлігінің 1 және 2 тармақшалары).

Портал мәліметінше, оқиға 2019 жылы басталған. Ол кезде бекітілген жоспарға сәйкес Дене шынықтыру және спорт басқармасы жарыстар мен оқу-жаттығу жиындары түрінде түрлі спорттық іс-шараны өткізіп жүрген.

Басқарма басшысы П.Қырықбаев спорттық іс-шараларды жүзеге асыру, сондай-ақ олардың қатысушыларын қаржыландыру туралы бірқатар бұйрық шығарған. Алайда бөлінген қаражатқа спорттық іс-шаралар өткізілмей немесе ішінара өткізіліп, қаражат толық игерілді деп есеп берілген.

«Аға жаттықтырушы ақшаны шығарғаннан кейін бір бөлігін әкімдік қызметкерлеріне беріп отырған. Ақшаның қалған бөлігіне жаттықтырушылар спорттық іс-шаралар өткізген немесе өзіне қалдырған. Осылайша, мемлекетке шамамен 70 миллион теңге көлемінде залал келтірілді», — делінген материалда.

Іс материалдарын зерделеу барысында сот П.Қырықбаев пен Б.Оспанованың ауыр зардаптарға әкеп соқтырған немқұрайдылығына тағылған айыптарын қайта саралады. Қырықбаевқа сот үкімімен 2 жылға бас бостандығын шектеу, оның әріптесі Оспановаға 6 айға бас бостандығын шектеу жазасы тағайындалды.

Сот үкімімен М.Пернебаев пен Г.Әшірбекова аса ірі көлемде ақша ұрлағаны үшін кінәлі деп танылып, әрқайсысы 7 жылға сотталды.

17 қараша, 16:09
Соңғы төрт жылда 14,8 млн гектар жер мемлекет меншігіне өтті
17 қараша, 14:19
Шымкент: Auezov University-де Форсайт орталығы мен AI Media Studio ашылды
17 қараша, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр