Түркістан облысында вирус жұқтырғандар туралы не білеміз?

#үйдеотыр

Түркістан облысының бас санитарлық дәрігері Нұрбек Нышанов аймақта жаңа вирусты жұқтырғандардың жағдайы туралы айтты. Оның айтуынша, олардың барлығы Жетісай ауданының тұрғындары. Бұл туралы zakon.kz хабарлады.

Түркістан облысында коронавирус инфекциясының бес жағдайы тіркелген. Алғаш рет бұл жаңа ауру түріне шалдыққан адам — ​​Нұр-Сұлтаннан іссапардан оралған Жетісай облысының тұрғыны. Әйел 23 наурызда Түркістан облысына оралды, төрт күннен кейін температурасы көтерілді.

30 наурызда ол ауруханаға түсіп, қан тапсырды. Коронавирус диагнозы расталды.

Дәрігерлер онымен тығыз байланыста болған үш адамды тестілеуден өткізді, олардан да вирустың нәтижелері оң болып шықты.

Бесінші науқас — Жетісай ауданының тұрғыны. Ол іссапармен Алматыға барып келген. Ол да тексеріліп, ауруханаға жатқызылды. Тест оң нәтиже көрсетті. Індетті жұқтырғандардың барлығы емделіп жатыр. Олармен тығыз байланыста болған 41 адамның барлығы медициналық мекемелерде карантинге жатқызылды.

1 сәуірде сағат 12: 55-те Қазақстанда коронавирус инфекциясының 369 жағдайы тіркелді. Оның 24-і сауығып шықты, ал өкінішке орай, үшеуі қайтыс болды.