Түркістан облысында мектеп меңгерушісі жүкті әйелді соққыға жықты

Директордың орынбасары мұғалімді соққыға жыққан. Шардара ауданындағы мектеп мұғалімдері басшысынан өлгенше қорқамыз деп отыр. Жиналған топтың айтуынша, олардың басшысы жүкті әріптесін жұрттың көзінше ұрып-соққан, деп хабарлайды Zakon.kz.

Оtyrar таратқан ақпаратқа сай, ауыл мектебінде үлкен жанжал шықты. Мұғалім өзін директордың орынбасары ұрды деп айыптап отыр. Айтуынша, соққыдан кейін, жәбірленушінің құрсағындағы баласы түсіп қалған.

Сандуғаш Жақыпова, Көксу ауылындағы Т.Айбергенов атындағы мектеп-гимназиясының мұғалімі:

Ол мені қатты итеріп жіберді, мен құладым. Сосын шашымнан ұстап, басымнан ұра бастады. Балағаттай жөнелді. Мені бәлеқор деді, мектепті үшпен оқығансың, тіпті мені жезөкше деп атады.

Ұстаздар қауымының жалпы жиналысында төбелеске тіпті ер мұғалімдер де араласуға мәжбүр болған. Олар әйелдерді ажыратып үлгерген. Жәбірленушінің айтуынша, директордың орынбасары оған үйімен қосып, өзін де өртеп жіберемін деп қорқытқан. Басқа ұстаздар да басшылықтан көп зардап шеккенін айтады.

Бибігүл Исаева, Көксу ауылындағы Т.Айбергенов атындағы гимназия мектебінің мұғалімі:

Ол үнемі оқу сағаттарының құрамына араласатын. Мен бәрін өз жолыммен жасағым келді. Ол араласпайтын ештеңе жоқ. Тіпті жеке істерімізге де. Директордың орынбасары Райгүл Мұсалиева барлық әріптестеріне өзі ұрып-соққан Сандуғашпен сөйлеспеуді айтты. Ал байланысатын болсақ, оның салдары болады деп қорқытты.

Ал директордың орынбасары жиында төбелес болғанын жоққа шығармайды, бірақ оның жүкті қызметкердің түсік тастауына қатысы жоқ екенің алға тартады.

Райгүл Мұсалиева, Т.Айбергенов атындағы мектеп гимназиясының меңгерушісі:

Қызметкерлер мені ұнатпайды, өйткені мен мектебіміздегі жемқорлық пен заңсыз әрекеттер туралы шындықты айтамын. Мысалы, бір күндік немесе екі күндік жалақыны ұстау туралы, мектепті жөндеу және бос орындардың жоқтығы туралы.

Райгүл Мұсалиева қарамағындағы қызметкерін ұрып-соққаны үшін 60 мың теңге айыппұлмен құтылды. 100-ге жуық ұстаз облыстық білім басқармасына ұжымдық шағым түсіруге бел буған. Олар директордың қазіргі орынбасарын қызметінен алуды талап етуде. Ал Шардара білім бөлімінде олар мектеп басшысына тіл тигізді деп ұстазды сотқа берген.