jasqazaq.kz

Түркістан облысында ломбардқа қарулы шабуыл жасалды

28 қыркүйек 2022, 15:50


Түркістан облысында ломбардқа қарулы шабуыл жасалды, деп хабарлайды Polisia.kz.

Жетісай аудандық полиция бөліміне қалада орналасқан ломбардтардың бірінің қызметкері арызданған. Айтуынша, кешкі уақытта бетіне медициналық маска, басына бейсболка киген ер адам қару ұстап кіріп келіп, ақша талап еткен. Үрейі ұшқан ломбард қызметкері кассадағы 1,2 млн теңгені ұстатқан. Күдікті оны касса кабинасында қалдырып, сыртынан құлыптаған. Солай ізін суытқан.

Аталған жайт ҚР Қылмыстық кодексінің 191-бабы (Тонау) бойынша тіркеді.
«Аталған ауыр қылмысты ашу үшін полиция бөлімінің тәжірибелі қызметкерлерінен жедел-тергеу тобы құрылып, оқиға орнына шұғыл жетті.

Полицейлер күдіктіні «ізін суытпай» құрықтау мақсатында қажетті шараларды жүзеге асырды. Нәтижесінде бірнеше күн ішінде бейнебақылау камерасындағы жазба арқылы күдіктінің жеке басы анықталды. Тәртіп сақшылары сезіктіні тұрғылықты мекенжайынан ұстап, полицияға жеткізді. Ол жұмыссыз, жергілікті тұрғын болып шықты.

Анықталғандай, күдікті тонау әрекетіне бармас алдын қаладағы бірқатар ломбардты бақылап шыққан. Содан жәбірленуші тараптың ломбарды кешке дейін істейтінін біліп, оны тонауды ойластырған. Барынша қараңғы түскенін пайдаланып, ойын жүзеге асырған», — делінген полиция мәліметінде.

Күдіктің сөзінше, ол қылмысқа ақша қажет болғандықтан барған. Айғақты зат ретінде пневматикалық тапанша алынды. Қазіргі таңда ол қамауға алынып, тергеу амалдары жүргізіліп жатыр.

Бүгін, 16:09
Соңғы төрт жылда 14,8 млн гектар жер мемлекет меншігіне өтті
Бүгін, 14:19
Шымкент: Auezov University-де Форсайт орталығы мен AI Media Studio ашылды
Бүгін, 14:06
Марат Нағұманов: Әскери реформа – жаңа сипаттағы армия құру жолындағы стратегиялық қадам
16 қараша, 15:35
Алматыда экологиялық талаптар күшейтілді
16 қараша, 15:17
Сұлтанғали Кенжеқұлов: Инвестиция жаңа өндіріс орындарын ашып, озық технология енгізуге жол ашады
16 қараша, 14:05
Қорғаныс саясатындағы стратегия: жаңа тұрпатты Қарулы Күштер
16 қараша, 14:04
Шымкентте 200 орындық заманауи перинаталдық орталық салынуда
13 қараша, 17:34
Қазақ елінің баянды бастамасы: Превентивті дипломатия
13 қараша, 15:06
Шымкентте жол-көлік инфрақұрылымын дамыту қарқынды жүріп жатыр