Тұрғын үйдің сылағы опырылып қалды (видео)

Алматыда көпқабатты тұрғын үйдің сылағы опырылып қалды. Бұл туралы әлеуметтік желіде видео тарап кетті. Панорама тұрғын үйі Сайран көлінің жағасында орналасқан. 2016 жылы қолданысқа берілген екен.

Құрылыс жүргізген компания ақпаратты растады. Олар үйдің сыртқы сылағы ғана бүлінгенін айтады.

«Оқиға салдарынан ешкім зардап шеккен жоқ. Бір сағат ішінде компаниядан құрамында бас сәулетші бар арнайы комиссия, ішкі бақылау бөлімімен бірге объектіге барды», — деп хабарлады «Exclusive Stroy» құрылыс компаниясы. Алдын ала сараптамалық болжам бойынша сыртқы сылақтың құлау себебі температураның жоғарылауы болуы мүмкін. Осы жағдай болашақта қайталанбас үшін, сараптама нәтижесіне қарай жөндеу жұмыстары жүргізіледі.

Қазір қайта жөндеу жұмыстары жүріп жатыр.

Ақпатарат көзі: zakon.kz