Тұрғын үй ауласына улы жылан кіріп кетті

Қызылорда ауласына улы жылан кіріп кеткен. Бұл туралы ҚазАқпарат хабарлайды.

Оқыс оқиға 11 қыркүйекте сағат 14.40 шамасында болды. Жергілікті тұрғындардың бірінен облыс орталығындағы Қыдыров көшесі бойында орналасқан тұрғын үйдің бірінің ауласында жылан жатқандығы жөнінде ақпарат түсті. Ол адамдар өміріне қауіп төндірген.

«Шақыру бойынша оқиға орнына жасақ базасынан 5 құтқарушы 1 техникасымен жетті. Жағдайды анықтап, өз ісіне кірісті. Жыланды тиісті құралдарды пайдаланып ұстап алды, Оны қауіпсіз аймаққа жіберді», — деп мәлім етті Қызылорда облыстық төтенше жағдайлар департаментінің баспасөз қызметінің жетекщісі Айгүл Нұрманова.