«Түйе палуан» анықталды

Түркістанда қазақ күресінен республикалық жарыс болып өтті. Осымен 25-ші рет жалауы көтерілген дәстүрлі «Тайқазан» турниріне 250-ге тарта спортшы қатысты.

Республикалық сайыста 1998-1999 жылы туған Астана қаласы мен Солтүстік Қазақстан, Алматы, Жамбыл, Қызылорда облыстарынан келген спортшылар бағын сынады. Бұл топта ҚР Жастар құрама командасының өкілдері де болды. Жарыс қорытындысында 100 келіде Әбдіғани Бибарыс алтын иеленсе, 74 келіде Олжа Хамит пен 82 келіде Айдарбек Тоқтарбек күміс жүлдені олжалады. Ал аса ауыр салмақтағы спортшылар арасындағы «Түйе палуан» жарысы аса тартысты өтті. Бұл бәсекеде де Әбдіғани Бибарыс жеңімпаз атанса, Жанатай Ерасыл жастар құрамасы бойынша екінші орынды алды. Түркістандық Бекарыстан Алмас үздік үштікті түйіндеді. Түйе палуандар белдесуінде спортшылар қомақты қаржылай сыйлықтарды жүлделі орындарына қарай бөлісті.