Түркістан облысында Сарыағаш ауданының тұрғыны екі жыл бойы бойы туған қызын зорлап келгені үшін 20 жылға бас бостандығынан айырылды. Бұл туралы Еуразия арнасы хабарлады.
Әкесі қызы 14 жасқа келген кезде қорлық көрсетуін бастаған. Кейін оқушы жүкті болып қалады. Әкесі жазадан құтылудың амалын іздеп, ойынан оқиға ойлап табады. Қызын басқа қалаға колледжге оқуға жібереді. Сол жерде жас жігітпен танысып, содан жүкті болып қалған деп айтып жүреді. Жасөспірім шыдамай, барлық оқиғаны тәтесіне айтып берген.
Шошып кеткен туысы дереу бәрін жасөспірімнің анасына жайып салады. Кейіннен әйелдер полицияға шағым түсіреді.
Тергеу жүріп жатқанда жәбірленуші баласын босанады. ДНҚ сараптамасы күдіктінің нәрестенің әкесі екенін анықтап берді. Тіпті бұдан кейін де айыпталушы кінәсін мойындамаған. Үкім әлі заңды күшіне енген жоқ. Сотталған азамат аппеляцияға өтініш берген.