Төрт адам табиғи газдан уланды

Батыс Қазақстан облысында төрт адам табиғи газдан уланды, деп хабарлайды ҚазАқпарат.

БҚО ТЖ департаментінің баспасөз қызметінен түскен мәліметке қарағанда, оқиға бүгін сағат 09.04-те Бәйтерек ауданы Дариян ауылында Пушкин көшесі 11/а-мекенжайында орын алды. Тұрғын үйде газдан уланған 1990 жылғы әйел адам, 2011 және 2012 жылғы екі қыз, 2016 жылғы ер бала медициналық мекемеге жеткізілді. «Дәрігер қарағаннан кейін олардың үшеуі үйлеріне жіберілді. 2012 жылғы қыз бала дәрігердің бақылауында. Қазіргі кезде оқиғаның жай-жапсары анықталуда», деп хабарлады департаменттің баспасөз қызметінен.