Төреғалидың басы тағы дауға қалды (видео)

10 қантар 2019, 12:13

Төреғали Төреәлінің сахнадағы тағы бір әрекеті көпшіліктің назарын аударды. Хитмен өзіне гүл шоғын ұсынған екі бірдей бүлдіршіннің аузына түкіріп, құйрығынан “тебемін” деп елден сөз естіді, деп жазады Stan.kz.

“Ұлы дала баласы” елордада өткен концерттердің бірінде қос бірдей бүлдіршіннің аузына түкірді. Олар кері бұрылған кезде, құйрықтарынан тепті.

Мұны көрген желі қолданушыларының пікірі екіге бөлінді. Олардың бір тобы әншіні сахнадағы әрекеті үшін қатал сынға алса, екіншілері ауыл-аймақта мұның қалыпты нәрсе саналатынын, ал Төрештің бар болғаны салтты ұстанып жатқанын атап өтті.

“Ауылдан шыққан бала салтты ұмытпайды. Жарайсың, Төреш. Ол баланы жамандықтан теуіп жатқан жоқ. Көз тимесін елдің назары балаға емес, басқаға аусын деген мақсатпен жасады”, – деп атап өтті желі қолданушылары.