Төреғали Түркияда мініп жүрген көлігін көрсетіп, жұртты күлдірді (видео)

27 қазан 2017, 11:50

Отау құрғанына үш жыл толған соң дүркіретіп той жасаған Төреғали қазіргі уақытта жарымен бірге бал айын өткізіп жатыр. Төреғали мен Толқын Түркияның туристік шахары Анталияда демалуда, деп хабарлайды Stan.kz.

Күні кеше Төреғали Түркияда мініп жүрген шағын көлігін көрсетіп, жұртты күлдірді.

“Мақтанып жатыр деп ойламаңыздар, мақтанатын да көлік емес”, – деген Төреш темір тұлпардың “кең әрі жайлы” екенін айтып күлдірді. Шын мәнінде, Ұлы дала баласы тізгіндеген көлік шағын әрі ыңғайсыздау көрінеді.

Желідегілер Төреғали мен жүзі бал-бұл жайнаған Толқынды көріп, қуанып қалғандарын жеткізді. Көпшілік Толқынның бояусыз әлдеқайда сұлу екенін атап өткен.