Токио Олимпиадасы екі жылдан кейін өтуі мүмкін

11 наурыз 2020, 17:18

Қазір коронавирусқа байланысты спорт ойындары көрерменсіз өтіп жатқаны белгілі. Тәжвирус көптеген спорт додаларына әсер етуде. Осы жазда өтуі тиіс Токио Олимпиадасы коронавирусқа байланысты бір немесе екі жылдан кейін өтуі мүмкін. Бұл туралы жапониялық ұйымдастыру комитетінің мүшесі Харуюки Такахашиге сілтеме жасап Wall Street Journal мәлімдеді, — деп жазды Tengrinews.kz.

«Жазғы ойындарды өткізбей қоймай, уақытын шегеретін шығар. Олимпиада өтпейтін болса, ХОК қиын жағдайда қалады», — деді Такахаши.

Комитет мүшесінің айтуынша, Олимпиаданы келесі жылы өткізу қиын болады, себебі ол кезге маңызды спорт сайыстары жоспарланып қойған. Сондықтан ол Жазғы ойындарды екі жылдан кейін өткізген дұрыс деп санайтынын айтты.

Токио Олимпиадасы 24 шілде мен 9 тамыз арасында өтеді деп жоспарланған.