Тоқаев партия тіркеуді жеңілдетуді ұсынды

Біздің қоғам партия құрылысының жаңа сапалық кезеңіне өтетіндей дәрежеге жетті. Бұл туралы Мемлекет басшысы елордада өтіп жатқан Ұлттық қоғамдық сенім кеңесінің екінші отырысында айтты, деп хабарлады Ақорданың twitter-дегі парақшасы.

«Тіркеу үшін партия мүшелері санының төменгі шегін екі есеге азайтуды ұсынамын, яғни 20 мыңға дейін. Жалпы, партияларға және сайлауға қатысты заңдарды бірте-бірте өзгертуіміз керек», — деді Қ.Тоқаев.

Өз сөзінде парламенттік оппозиция институты қажет екенін айтты.

«Ол үшін «Парламент туралы» заңды саяси азшылыққа кепілдік беретін нормалармен толықтыру керек. Бұл биліктің заң шығару тармағындағы баламалы қызметтің жүйелі жұмысын қамтамасыз етуге мүмкіндік береді», — деді Президент.

24.kz